प्यास

अत्रिप्त छु अत्रिप्त छु मलाई त्रिप्त बनाउ
प्यास मेरो मनको रक्तले बुझाउ
बन्दूक चलाऊ तिमी छुरा चलाऊ
हे मनुष्य तिमी मेरो प्यास बुझाउ
पुगेन यसले मलाई तिमी बम फुटाउ
बली तिमी आफ्नै जातीको मलाई चढाउ
निर्दोश सबै मरिसके अब धर्ती जलाउ
जीव सबै मरिसके अब निर्जीवलाई मेटाउ
तातै छ घाऊ धर्तीको त्यसलाई कोट्टयाउ
तहस नहस भयो संसार अब ढुङ्गा हिर्काउ
अगाडि बढ तिमी मलाई बिजय बनाउ
अरु जे गर मनुष्य बस् मलाई त्रिप्त बनाउ,
मेरो प्यास बुझाउ।।