उत्कर्ष

उत्कर्ष

म त्यो रात हुँ
पुर्णिमको दोश्रो दिन्
जुन बेला जूँन ओइलाईरहेको हुन्छ
अघिल्लो दिनको उज्यालोको थकानले
सुस्ताइरहेको हुन्छ
पुर्णिमालाई सबैले 'वाह वाह्' भन्छन्
तर म ओरालो लागेको जूँन हुँ
त्यो उत्कर्षमा पुगेर झरेको रात हुँ

म त्यो दिन हुँ
जीतको भोलीपल्ट
बिजय आज भयो
उत्सव आज मनाइओ
मिष्ठान्न पाक्यो, सोमरस बग्यो
हर्ष उल्लास मनाइओ
बधाई पाइओ, नाचियो-गाइओ, आज!
तर म भोली हुँ
त्यो उत्सवको जुठा भाँडा
एक बोझ, ह्यङओभर
एक गिलाँस कागतीपानी हुँ

म ग्रेड हुँ, सेकेन्ड डिभिजन
उनन्साठी दशमलव नौ प्रतिशत
फर्स्ट डिभिजनले माला लगायो
मैले च्व च्व पाँए
म कठै बिचरा भएँ
मात्र एक अंक पुगेन
त्यै एकले फरक पार्दो रहेछ
मैले कलेजमा विज्ञान पढ्न पाइन
तर मलाई थाहा छ
विज्ञानमा पनि सेकेन्ड ल हुन्छ
म परिवारको निराशा
एउटा टुटेको  आशा हुँ

म एक साथी हुँ
बेस्ट फ्रेन्ड मेरी केटी साथीको
उसको जीवनसाथी कोही अर्कै छ
सुखमा जे भए पनि
दुखमा साथ दिने
बोइ फ्रेन्डसँग झगडा पर्दा
उसका आशुँ पुछिदिने
उसको आन्तिम उपाय
हो! म कुसुमे रुमाल हुँ

म बार हुँ
जाँड खाने बार होइन
हप्ताको पहिलो दिन
आइतबार हुँ
यहाँ म पहिलो भए पनि
प्रिय चै कहिल्यै भइन
म सबैको प्रिय शनिबार को भोली हुँ
म पहिलो भएर पनि सधैं दोश्रो
चरम उत्कर्ष पछिको पल हुँ।